Basketbolè renome Ameriken Stephen Curry pran mikwo a nan mitan seremoni remiz bag chanpyona ekip Golden State Warriors la Madi swa pou'l lanse yon apèl pasyone pou moun apiye Brittney Griner - yon vedèt baskètbòl feminen ki fèmen nan prizon nan Larisi e ki fèk fete 32èm anivèsè li.
Warriors yo, ki pran angajman vizavi pwoblèm kap trakase sosyete Amerikèn nan, fete 4èm chanpyona yo nan yon espas 8 an.
Griner ap tann yon odisyon nan tribinal Larisi mwa sa a, kote yon jij gen pou l konsidere apèl li kont santans 9 an prizon li te resevwa pou posesyon dwòg.
