FMI Fenk Apwouve Plis Pase $105 Milyon pou Ede Ayiti Konbat Rate Manje

0

 


Foto Achive: Moun Camp-Perrin fe lake pou resevwa manje nan men Pwogram Alimantasyon Mondyal la tou pre Okay, 19 Out, 2021.

Komite Egzekitif Fon Monetè Entènasyonal, FMI apwouve yon prè $105 milyon pou ede Ayiti fè fas ak ensekirite alimantè.

Enstitisyon an anonse nouvèl la Lendi nan moman Ayiti ap fè fas ak rate divès pwodui esansyèl ki koze yon kriz imanitè.

Peman an, ki tonbe nan kad pwogram Fenèt Chòk Alimantè FMI a, vize kontre "bezwen ijan ki egziste pou lajan pou jere kriz alimantè global la.

FMI pibliye yon deklarasyon kote li di "enflasyon ki monte 17 wotè rann Ayiti pi frajil epi ogmante soufrans yon popilasyon ki deja ap fè fas ak malnitrisyon.

Direktris adjwen pwogram nan Antoinette Sayeh di envazyon Larisi fè nan Ikrèn nan afekte sityasyon an an Ayiti tou.

FMI di lajan an pral sèvi pou ede moun ki pi vilnerab yo akoz pri manje a ki ogmante e ke li pral finanse pwogram alimantasyon epi dispoze transfè lajan kach pou kèk sitwayen ki nan bezwen.

You may like these posts

No comments